Saturday, 9. October 2021

Ég er byrjaði að bjóða uppá Fjarheilun í fyrra þegar allt lokaði vegna Covid. Vegna þess hversu vel það gekk þá er ég enn að bjóða fólki uppá að panta tíma í fjarheilun – 30 og 60m tíma.

Hér koma nokkrar umsagnir:

“Fannst eins og neistinn væri að slokkna en Tinna náði svo sannarlega að kveikja á honum aftur.Ég fann að ég var komin í algjört þrot, andlega sem líkamlega, og leitaði því að sjálfsögðu til Tinnu Maríu í Orkulind. Því miður má hún ekki taka á móti skjólstæðingum núna svo hún bauð mér fjarheilun í staðinn. Ég hef óbilandi trú á hæfileikum Tinnu sem meðferðaraðila svo ég ákvað að stökkva til og prófa. Ég sé svo sannarlega ekki eftir því og segi eiginlega bara VÁ. Ég átti tíma klukkan 19.20 svo ég tók mig til lagðist upp í rúm og læsti að mér, spjallaði smá við Tinnu áður en við byrjuðum og þegar meðferðin hófst þá bara fann fyrir henni. Fann að andardrátturinn breyttist, fann hugsanirnar skýrast og ýmislegt fór að poppa upp, verkur í hnakkanum og fram í kjálka, sem ég gleymdi einmitt að segja Tinnu frá, fór að láta kræla á sér en gufaði síðan bara upp, snúningur í mjöðm sem ég hef verið að finna fyrir vatt ofan af sér og ég einhvern veginn fann heilun færast yfir doldið brotið hjarta. Nóttina á eftir náði ég þvílíkri hvíld og ró og vaknaði daginn eftir „heil“. Fann að drunginn var farinn, matarlistin komin aftur og mér hlakkaði til að takast á við daginn. Takk Tinna, fjarheilunin þín virkar svo sannarlega og ég vildi óska að fleiri vissu af þessari snilld á þessum líka erfiðu tímum.”
-Sif Garðarsdóttir

Fann mikla hvíld, var gott að leggjast var með flensueinkenni í gær en góð í dag. Ljósblá kristalsorka. Fann hjartaorku streymi inní hjarta, útvíkkun á höfði sérstaklega þegar settist upp. Gamli strúktúr úr beinum að brjótast úr gömlu formi, sveigjanleiki kristalsstrúktur. Stjörnuorka í lokin, mikið flæði, yndislegt. Þúsund þakkir

Ég fékk fjarheilun frá Tinnu sem hafði þau áhrif að ég datt út eða sofnaði á meðan Ég vaknaði ansi þreytt og fann að mikil vinsla var í gangi andlega sem og likamlega Ég fann mikinn mun á líðan minni daginn eftir. Takk Tinna

Ég hef aldrei farið í fjarheilun áður og var mjög forvitin að prófa. Þetta var alveg magnað. Mér fannst eins og Tinna væri mætt með ljósið sitt í herbergið til mín. Ég fann mikinn hita og birtu. Það var eitthvað mikið að gerast í sólarplexus og hjartastöðinni, þar var hiti, léttir og spennulosun. Tinna er yndislegur heilari. Mæli svo með henni. Eyrún Huld Árnadóttir